Ek is besig om die Jacobs stamboom na te vors en sal graag kontak wil maak met alle Jacobse wat afstam van die Jacobse van Hopetown. Die inligting wat ek reeds het kan gesien word op hierdie web blad en ook hier
Die inligting het onlangs in my hande gekom vanaf Ann (Anna) van Staden (Jacobs) en is geensins die vrugte van my eie arbeid nie. Die eer vir die navorsing moet gaan aan Magda Lombard (kleindogter van Helena Jacoba van Wyk - Jacobs). Baie dankie Magda ons ken nie eers mekaar nie maar ek waardeer dit dat jy die inligting aan tannie Ann beskikbaar gestel het. Soos u kan sien op die Jacobs stamboom op die Heritage web blad is daar nog baie gebreke. Sommige daarvan is ek nog mee besig en ander is nog nie vasgestel nie.
Daar is ook 'n verkorte weergawe van my eie direkte voorvaders op hierdie blad.
Ek wil ook graag my dank oordra aan Gerhard en Adri wat my gekontak het en vir hulle insette.
Die een ding wat ek nog geen spoor van kan kry nie is die familie wapen van hierdie tak van die Jacobse. Daar was wel 'n beskrywing in een van die inligting stukke wat ek hier wil herhaal in die hoop dat iemand dit iewers het - die aanhaling volg:
In goud 'n rooi dwarsbalk belaai met drie silwer skulpe
Adri was gaaf genoeg om aan my 'n weergawe beskikbaar te stel wat voldoen aan die bogenoemde beskrywing.
